Спорт - Өмнөговь аймаг http://umnugovi.nutag.mn/ ru Спорт - Өмнөговь аймаг DataLife Engine Улсын арслан Э.Батмагнай бөхчүүдийн чансааг тэргүүлж байна http://umnugovi.nutag.mn/index.php?newsid=2508 http://umnugovi.nutag.mn/index.php?newsid=2508
Монголын Үндэсний бөхийн холбооноос шинэчилсэн чансааг гаргажээ. Энэ долоо хоногт гарсан чансааг улсын арслан Э.Батмагнай тэргүүлж, аймгийн хурц арслан Н.Амгаланбаатар удаалж байна.
Жагсаалтын хоёрт бичигдсэн аймгийн арслан Н.Амгаланбаатар хамгийн сүүлд “Наурыз-2026” барилдаанд үзүүрлэсэн.
Чансаа өндөр 20 бөх
  1. Улсын арслан Э.Батмагнай – 8850 оноо
  2. Аймгийн арслан Н.Амгаланбаатар -7400
  3. Улсын заан С.Сүхбат -6850
  4. Улсын аварга О.Хангай – 5550
  5. Аймгийн арслан Д.Алтанцоож -5550
  6. Улсын заан Б.Бат-Өлзий -5400
  7. Аймгийн арслан М.Баяржавхлан -5400
  8. Улсын харцага Б.Зоригтбаатар -4950
  9. Улсын арслан Б.Орхонбаяр -4750
  10. Улсын арслан Ц.Бямба-Отгон -4550
  11. Улсын начин Б.Даваа-Очир -4150
  12. Улсын заан Д.Хүдэрбулга -4000
  13. Улсын заан М.Лхагвагэрэл -3900
  14. Улсын харцага Н.Золбоо -3750
  15. Улсын арслан Э.Оюунболд -3700
  16. Аймгийн арслан Б.Очирхүү -3600
  17. Аймгийн арслан Ө.Батсуурь -3600
  18. Улсын арслан Р.Пүрэвдагва -3100
  19. Улсын заан Д.Анар -3100
  20. Улсын харцага Ц.Мөнхбаяр -3100
]]> zulaa Wed, 25 Mar 2026 17:49:04 +0800 Залуу тамирчид УАШТ-ийг өнгөлж, аваргуудад хүчтэй өрсөлдөгч болсноо харуулав http://umnugovi.nutag.mn/index.php?newsid=2493 http://umnugovi.nutag.mn/index.php?newsid=2493
“Монголын спортын наадам 2026” тэм­цээ­­ний хүрээнд 10 холбооны, 11 спортын тө­рөлд 1886 тамирчин 120 багц медалийн төлөө энэ сарын 18-25 хүртэл өрсөлдсөн юм. Долоо хоног спортоор амьсгалсан өдрүүдэд байт харвааны компаунд төрөлд эрэгтэйчүүдээс Т.Бат,Б.Баярсайхан (“Алдар”спорт хороо), Г.Ган­зориг (“Хангарьд” клуб) нар эхний гурван байрт шалгарлаа. ЭмэгтэйчүүдээсБ.Батдулам(“Зэвт хасар”) алт, Б.Мөнгөнчимэг (“Ал­дар”) мөнгө, Ц.Батчимэг (“Бод шонхор” клуб) хүрэл медаль зүүв. Рекурв төрөлд эрэг­тэй­чүү­дээс М.Энхбаяр (“Котинос”) тү­рүүлж, эмэг­тэйчүүдээс Б.Урантунгалаг (“Алдар”) түрүүл­жээ. Компаунд харвааны эрэгтэй­чүү­дийн багийн төрөлд Орхон аймгаас оролц­сон “Хангарьд”, эмэгтэйчүүдээс “Зэвт хасар” клу­бийн харваачид тэргүүлэв. Рекурв хар­вааны багийн эрэгтэй, эмэгтэйчүүдийн төрөлд “Алдар” спорт хорооныхон тэргүүлж, улсын аварга боллоо. Түүнчлэн виртуал дугуйн спор­тын тэмцээний элит ангилалд эрэг­тэй­ чүү­дээс ОУХМ Э.Болор-Эрдэнэ, эмэг­тэй­чүү­ дээс Э.Энхмаа тэргүүн байр эзэлжээ. Жүдо бө­хийн онцлох барилдаануудаас сонир­хуулбал, эмэгтэйчүүдийн 48 кг-ын жинд “Женко” клу­бийнхээс өсвөр үеийнхний ДАШТ-ий мөн­гөн медаль, Ази тивийн аварга Ж.Анударь хоёр дахь жилээ түрүүлж байна. 52 кг-д “Гүрү дожо” дэвжээний тамирчин М.Нандин-Эрдэнэ жин өгсөж оролцсон Азийн хүрэл медальт, “Их дуулга” тэмцээний хошой аварга Г.Наранцэцэгийг ялж, мөн хоёр жил дараалж аваргалав. 78 кг-д “Орхон ирээдүйн одод”-ын та­мирчин Ж.Урангоо өнгөрсөн жил хүрлийн тө­лөө барилдаад медалиас мултарсан бол энэ удаа аваргалав. Тус жинд улсын 11 удаагийн авар­гаар шалгарсан Азийн хошой аварга П.Лхам­дэгд 2026 оноос 78 кг-д түрүүлсэн бөхөд нэрэмжит шагналаа өгөхөөр болсон. Түү­ний шагналыг анхны багш болох Гавьяат дас­гал­жуулагч Ш.Цэвэлмаа Ж.Урангоод гардуул­лаа. П.Лхамдэгд өдгөө АНУ-д нөхөр олим­пын хүрэл медальт, гавьяат тамирчин С.Ням-Очирын хамт ажиллаж, амьдарч буй. Эрэг­тэйчүүдээс 60 кг-д “Шинэ бадрах” дэв­жээний тамирчин Т.Түмэнжаргал түрүүлж, насанд хүрэгчдийн ангиллаас анхны медалиа гардсан юм. 66 кг-д ДАШТ-ий хүрэл медальт К.Ёолк шигшээ барилдаанд Азийн аварга, улсын гурван удаагийн аварга Б.Эрхэмбаярыг илүү­р­­ хэж түрүүллээ. 81 кг-д “Тэмүүжин” клу­бийн та­мирчин О.Шинэбаяр “Шинэ бадрах” клубийх­нээс Б.Шинэтулгыг хо­жиж, хошой аварга боллоо.]]> zulaa Wed, 28 Jan 2026 14:49:03 +0800 "Астана дэлхийн цом-2025" тэмцээнээс мөнгөн медаль хүртлээ http://umnugovi.nutag.mn/index.php?newsid=2388 http://umnugovi.nutag.mn/index.php?newsid=2388
Казакстан улсын Астана хотноо зохион байгуулагдсан гардан тулааны аварга шалгаруулах "Астана дэлхийн цом-2025"  тэмцээний өөрийгөө хамгаалах төрөлд ДХИС-ийн Онцгой байдлын сургуулийн 633 дугаар дамжааны сонсогч М.Бат-Эрдэнэ 80 кг-ийн жинд мөнгөн медаль хүртлээ.
Тэмцээнд Монгол Улсаа төлөөлөн Дотоод хэргийн их сургуулийн Биеийн тамир, албаны бэлтгэлийн институтийн ахлах багш, дэд хурандаа Х.Оналбек дасгалжуулагчтай 11 тамирчин оролцсон байна. 
Баг тамирчид тус тэмцээний өөрийгөө хамгаалах болон тулааны төрлөөс  2 алт, 4 мөнгө, 7 хүрэл нийт 13 медалийг хүртсэн амжилтыг үзүүлсэн юм. 


]]> zulaa Tue, 21 Oct 2025 09:40:34 +0800 О.Бямба-Эрдэнэ маргааш хүрэл медалийн төлөө тулалдана http://umnugovi.nutag.mn/index.php?newsid=2371 http://umnugovi.nutag.mn/index.php?newsid=2371
Их Британийн Ливерпүүл хотод сонирхогчдын боксын насанд хүрэгчдийн дэлхийн аварга шалгаруулах тэмцээн есдүгээр сарын 4-14-ний өдрүүдэд болж байгаа бөгөөд 66 орны нийт 540 (эрэгтэй 327, эмэгтэй 213) тамирчин өрсөлдөж байна.

Харин манай улс тус тэмцээнд Үндэсний шигшээ багийн дасгалжуулагч О.Батхүү, Ж.Еркин, Рубeн Пинейро Санчес нарын удирдлага дор эрэгтэй тав, эмэгтэй таван тамирчинаа илгээсэн билээ.

Тэднээс эрэгтэйчүүдийн 70 кг-ын жинд О.Бямба-Эрдэнэ маргааш хүрэл медалийн төлөө рингэний эзэн орны тамирчин Камара Оделтэй тулалдахаар шалгарлаа. Хэрэв О.Бямба-Эрдэнэ маргаашийн учраагаа ялсан тохиолдолд Монголын боксчдын ДАШТ-ий 17 дахь медалийн эзэн болно.
]]> zulaa Tue, 09 Sep 2025 21:09:30 +0800 “Khan Cup” 3х3 сагсан бөмбөгийн тэмцээний улсын аваргууд тодорлоо http://umnugovi.nutag.mn/index.php?newsid=2367 http://umnugovi.nutag.mn/index.php?newsid=2367
ХААН Банкны нэрэмжит “Khan Cup” 3х3 сагсан бөмбөгийн тэмцээний финалын шат буюу улсын аварга шалгаруулах тэмцээн өнгөрсөн бямба гарагт Үндэсний соёл амралтын хүрээлэнд амжилттай болж өндөрлөлөө. Тус тэмцээнд орон нутгийн таван бүс болон нийслэлээс тодорсон эрэгтэй, эмэгтэй нийт 24 баг аваргын төлөө хурд хүч, авхаалж самбаагаа сорин өрсөлдсөн юм.
Монголын хамгийн том банкны хувьд ХААН Банк нийгмийн хариуцлагын хүрээнд хүүхэд, залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжил, багийн спортыг дэмжих зорилгоор 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбайг байгуулсан бөгөөд жил бүр улсын хэмжээнд энэхүү тэмцээнийг уламжлал болгон зохион байгуулж ирсэн билээ.










Улсын аварга шалгаруулах тэмцээний эрэгтэй ангилалд Дорноговь аймгийн 2-р сургуулийн баг тамирчид тэргүүн байр эзэлж, удаах байруудад Чингэлтэй дүүргийн “Show time” болон Ховд аймгийн “Ховд Азза” багууд шалгарлаа. Харин эмэгтэй ангилалд Чингэлтэй дүүргийн “DIP” баг түрүүлж, Багануур дүүргийн “RAIDS1” болон Сэлэнгэ аймгийн Ерөө сумын багууд хоёр, гуравдугаар байр эзэллээ. Аварга болсон баг тамирчид мөнгөн урамшууллаас гадна өчигдөр Монголын 3х3 сагсан бөмбөгийн шигшээ багтай хамтарсан бэлтгэл хийсэн юм.
Энэ жилийн тэмцээнийг Монголын 3х3 сагсан бөмбөгийн холбоотой хамтран олон улсын стандартын дагуу, илүү өргөн цар хүрээтэйгээр зохион байгуулснаараа онцлог  бөгөөд орон даяар нийт 510 багийн 2000 гаруй хүүхдийг хамруулсан юм.
undefined
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ. Мөн өнгөрсөн онд Монголын сагсан бөмбөгийн дээд лигийн “Бишрэлт Металл” багтай хамтран ажиллах санамж бичиг байгуулж, ивээн тэтгэгчээр ажиллаж байна.
Спортын өсөлтийг дэмжигч – ХААН Банк
]]> zulaa Wed, 03 Sep 2025 13:13:34 +0800 “Khan Cup” 3х3 сагсан бөмбөгийн тэмцээний ялагчид бямба гарагт тодорно http://umnugovi.nutag.mn/index.php?newsid=2364 http://umnugovi.nutag.mn/index.php?newsid=2364
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний албан ёсны нээлтийн арга хэмжээ Үндэсний соёл амралтын хүрээлэнд өнөөдөр боллоо. Энэхүү нээлтийн ёслолд аймаг аймгаас шалгарсан шилдэг баг тамирчид хүрэлцэн ирснээс гадна ХААН Банкны Гүйцэтгэх захирал, НҮБ-ын Хүүхдийн сангийн үндэсний элч Р.Мөнхтуяа, НҮБ-ын Хүүхдийн сангийн суурин төлөөлөгч Эваристе Коуасси-Комлан болон Монголын 3х3 сагсан бөмбөгийн холбооны Ерөнхий нарийн бичгийн дарга С.Төгсжаргал нар оролцлоо. Мөн ХААН Банк өнгөрсөн оноос ивээн тэтгэн хамтран ажиллаж буй Монголын сагсан бөмбөгийн дээд лигийн “Бишрэлт Металл” багийн тамирчид хүүхдүүдийг дэмжихээр хүрэлцэн ирсэн нь онцлог байлаа.
Үндэсний хэмжээний хамгийн том банкны хувьд ХААН Банк нийгмийн хариуцлагын хүрээнд хүүхэд залуусын чөлөөт цагийг зөв боловсон өнгөрүүлэх, эрүүл мэнд, бие бялдрын хөгжлийг дэмжих, багийн спортыг хөгжүүлэхэд хувь нэмэр оруулах үүднээс 2021 онд 21 аймаг, Зүүнхараа, Замын-Үүд болон нийслэлийн 8 дүүрэгт 3х3 сагсан бөмбөгийн жишиг талбай байгуулсан бөгөөд жил бүр ХААН Банкны нэрэмжит 3х3 сагсан бөмбөгийн тэмцээнийг аймаг бүрд зохион байгуулдаг уламжлалтай болсон билээ. Энэ жилийн хувьд ХААН Банк Монголын 3х3 сагсан бөмбөгийн холбоотой хамтран уг тэмцээнийг олон улсын стандартын дагуу, илүү өргөн цар хүрээнд зохион байгуулж, орон даяар нийт 510 багийн 2000 гаруй хүүхдийг хамруулснаараа онцлог юм.






ХААН Банкны Гүйцэтгэх захирал Р.Мөнхтуяа тэмцээний нээлтийн үеэр “Багийн спорт гэдэг хамтдаа ялалт байгуулах урам зориг, хамтдаа хичээх тэсвэр хатуужил, хамтдаа ялах, ялагдахын сургамжийг өгдөг. Манай банкны уриа үг ХАМТЫН ӨСӨЛТ ТӨГӨЛДӨР. Энэ уриатай багийн спортын зорилго мөн нийцдэг гэж бодож байна. Хамтдаа илүү хол алхана, илүү хүчтэй байна, илүү амжилт үзүүлнэ. Тиймээс бид багийн спортыг дэмжихийг зорьж, түүгээр дамжуулж, хүүхэд залууст хамтдаа олон олон ялалт байгуулж, өсөж хөгжих, эх орныхоо нэрийг тив дэлхийд дуурсгах ирээдүйн аваргуудын өсөж өндийх хөрсийг бэлдэж байна гэж үзэж байна” гэлээ.
ХААН Банкны нэрэмжит “Khan Cup” 3х3 сагсан бөмбөгийн тэмцээний 2 дахь шат буюу Бүсийн аварга шалгаруулах тэмцээний ялагчид энэ сарын 29-нд тодрох бөгөөд орон нутгийн 5 бүс болон нийслэлээс шалгарсан нийт эрэгтэй, эмэгтэй 24 баг 8-р сарын 30-нд улсын аваргын төлөө хүч сорих юм.






Тэмцээний нийт шагналын сан 150 сая төгрөг. Бүсийн аварга шалгаруулах тэмцээний 1-р байр 2 сая, 2-р байр 1 сая, 3-р байр 700 мянган төгрөгийн шагналтай бол финалын шатанд аваргын цомын эзэн болох баг 5 сая, 2-р байр 3 сая, 3-р байр 1 сая төгрөгийн шагнал хүртэх юм. Мөн үүнээс гадна ХААН Банк Монголын 3х3 сагсан бөмбөгийн холбоотой хамтын ажиллагааны хүрээнд тэмцээний аварга баг тамирчдыг шигшээ багтай хамтарсан бэлтгэлд хамруулах боломжийг бүрдүүлэх, их дээд сургуульд элсэн суралцахад нь дэмжлэг үзүүлэх зэргээр Монголын сагсан бөмбөгийн спортыг бүх түвшинд тогтвортой дэмжихээр зорьж байна.
ХААН Банк Монголын сагсан бөмбөгийн спортыг байнга дэмжсээр ирсэн. Тодруулбал, 2015 оноос хойш NBA-ийн шууд дамжуулалтыг Монголын үзэгчдэд хүргэхэд ерөнхий ивээн тэтгэгчээр ажиллаж байсны дээр 2024-2025 оны Оюутны лигийг дэмжин ажилласан билээ.
Спортын өсөлтийг дэмжигч – ХААН Банк
]]> zulaa Thu, 28 Aug 2025 16:29:14 +0800 Эверестийн авиралтын улирал албан ёсоор хаагдлаа http://umnugovi.nutag.mn/index.php?newsid=2328 http://umnugovi.nutag.mn/index.php?newsid=2328
Эверестийн 2025 оны хаврын авиралтын улирал албан ёсоор хаагдсан тухай Балбын аялал жуулчлалын яам мэдэгджээ.
Энэ удаагийн улиралд Эверестийн өмнөд талаас нь нийт 694 уулчин оргилд гарснаас 257 нь гаднын уулчид байна. Хятадын талаас хийсэн авиралтыг тооцвол нийт 800 хүн дэлхийн дээвэрт гарчээ. 2025 оны улирал цаг агаарын хувьд эрс тэс байсан хэдий ч олон дээд амжилтыг тогтоосон байна. Тухайлбал, Балбын шерпа Ками Рита 55 насандаа Эверест рүү нийт 31 удаа авирч, дэлхийн дээд амжилтыг тогтоосон бол шерпа Таши Гялцен нэг улиралд нийт дөрвөн удаа авиралт хийсэн, Германы уулчин Аня Блаха шерпагийн тусламж, нэмэлт хүчилтөрөгчгүй дэлхийн дээвэрт авирч, дээд амжилт тогтоосон байна.
Харин хурдны дээд амжилт тогтоох, Эверестээс wingsuits буюу далавчтай тусгай хувцастай үрсэх оролдлогууд цаг агаарын байдлаас болж бүтсэнгүй.
Энэ оны намрын авиралтын улирлын тов одоогоор гараагүй байна. Есдүгээр сараас эхлэн Балба уулан авирах зөвшөөрлийн үнийг 11 мянгаас 15 мянга болгож нэмэгдэх юм.
]]> zulaa Tue, 03 Jun 2025 14:54:37 +0800 “Ливерпүүл”-ийн баярын жагсаал 47 хүн, 4 хүүхэд бэртэж төгсөв http://umnugovi.nutag.mn/index.php?newsid=2321 http://umnugovi.nutag.mn/index.php?newsid=2321
Английн аваргаар тодорсон “Ливерпүүл” клубын тоглогч, дасгалжуулагчид хотын төвөөр задгай дээвэртэй автобустай баярын жагсаал өчигдөр хийсэн ч эмгэнэлт явдлаар өндөрлөлөө.
 

30 гаруй км/цагийн хурдтай Ford Galaxy машин жагсагчдыг дайрч, 47 хүнийг гэмтээсний 4 нь хүүхэд байгаа тухай орон нутгийн хэвлэлүүд мэдээлсэн байна.
Олон хүнийг дайрсан машины жолооч руу цугласан олон “Түүнийг ал!” хэмээн хашхиран дайрахад цагдаа нар саад хийн, гэмт этгээдийг авч оджээ. Хэвлэлүүдийн мэдээлж буйгаар бол олон хүнийг дайрсан этгээд нь Ливерпүүл хотын тухайн дүүрэгт аж төрдөг 53 настай, цагаан арьстай нэгэн байсан байна.
 

Жагсаал тарах үед буюу 18 цагийн орчимд хүмүүсийг араас нь дайрчээ. Гэхдээ энэ хэргийг алан хядах ажиллагаа гэж үзэхгүй байгаагаа мөн мэдэгдсэн байна.
Нэгэн гэрчийн өгүүлснээр бол хүн дайрсных нь дараа олон нийт уурлан дайрахад жолооч тэвдэн өмнөх хүмүүсээ дайрч зугтахыг завдсан ажээ. Харин өөр нэгэн гэрч “Аваргын баяр тэмдэглээд согтууруулах ундаа хэтрүүлэн хэрэглэсэн нэгэн байсан байж магадгүй” гэсэн байна.
 

Ливерпүүл хотын Зөвлөлийн тэргүүн Лиам Робинсон “Бидний баярт маш том хар сүүдэр унагалаа” хэмээн мэдэгдээд байна.
Их Британийн Ерөнхий сайд Кир Стармэр ч болсон явдалд харамсаж буйгаа илэрхийлжээ.
 
 
]]> zulaa Tue, 27 May 2025 17:46:56 +0800 Гавьяат тамирчин М.Анхцэцэг хүндийн өргөлтийн спортоос зодог тайллаа http://umnugovi.nutag.mn/index.php?newsid=2101 http://umnugovi.nutag.mn/index.php?newsid=2101
Монгол Улсын Гавьяат тамирчин Мөнхжанцангийн Анхцэцэг хүндийн өргөлтийн спортоос зодог тайлжээ. Өдгөө 27 настай тэрээр энэ сарын эхэнд болсон дэлхийн аварга шалгаруулах тэмцээнээс мөнгөн медаль хүртээд байв.
Бахрайн улсын Манама хотод болсон ДАШТ-ий эмэгтэйчүүдийн -81 кг жингийн огцом өргөлтөөр мөнгөн медаль хүртсэн М.Анхцэцэг дэлхийн аваргаас 5 медаль хүртсэн монголын анхны тамирчин болсон юм.
10 настайгаасаа хойш хүндийн өргөлтөөр хичээллэсэн тэрээр монголын анхны гэх олон амжилтыг тогтоосон билээ.
Тив, дэлхийн амжилтууд:
  • 2016 оны АШТ - Алт (Нийлбэр)
  • 2017 оны ДАШТ - Хүрэл (Огцом өргөлт)
  • 2019 оны АШТ - Мөнгө (Нийлбэр)
  • 2019 оны ДАШТ - Хүрэл (Огцом өргөлт)
  • 2021 оны ДАШТ - Алт (Нийлбэр)
  • 2022 оны АШТ - Алт (Нийлбэр)
  • 2022 оны ДАШТ - Мөнгө (Түлхэлттэй)
  • 2024 оны ДАШТ - Мөнгө (Огцом өргөлт) медаль хүртэж байв.
]]> zulaa Fri, 20 Dec 2024 10:37:49 +0800 МУГТ Э.Цэндбаатар төрсөн өдрөөрөө ялж, тивийн аваргын бүстэй боллоо http://umnugovi.nutag.mn/index.php?newsid=1984 http://umnugovi.nutag.mn/index.php?newsid=1984
МУГТ Э.Цэндбаатар мэргэжлийн боксын 11 дэх тулаанаа өнөөдөр буюу 10 дугаар сарын 17-нд Флорида мужийн Плант хотод хийлээ. Тэрбээр Пуэрто Рикогийн боксчин Фрэнси Фортунатог ялж тивийн бүсийг эх орондоо авч ирэхээр боллоо.
Түүний хувьд мэргэжлийн боксын 10 дахь тулаан өнгөрсөн тавдугаар сард болсон. Тэр бүх тулаандаа ялалт байгуулж нэг ч ялагдалгүй яваа. 
Түүний хувьд хамгийн сүүлд буюу 10 дахь тулаанаа Флоридад хийсэн бөгөөд “WBC”-ийн хөнгөн жингийн Хойд Америкийн аваргын тэмцээнд тулалдаж ялсан юм. 11 дэх тулаан энэ сарын 9-нд болохоор товлогдсон. Гэсэн ч тулаан долоо хоногоор хойшилж 16-нд болсон билээ.
Мөн дашрамд дурдахад, Э.Цэндбаатарын төрсөн өдөр өнөөдөр /2024.10.17/ болж байгаа бөгөөд ийн билэгт сайн өдөр тулалдаж, монголынхоо ард түмний магнайг тэнийлгэлээ.
]]> zulaa Thu, 17 Oct 2024 15:21:08 +0800