Тус аймагт 2014 оноос хойш олон нийтийн цагдааг ажиллуулж эхэлсэн бөгөөд энэ онд 39 олон нийтийн цагдаа үүрэг гүйцэтгэж байна. 

Үүнээс Даланзадгадад 23, Ханбогдод 4, Гурвантэс суманд 7, Цогтцэцийд 5 олон нийтийн цагдаа ажиллаж байгаа юм. Өмнөговь аймаг дахь Цагдаагийн газраас олон нийтийн цагдааг чадавхжуулах сургалтыг зохион байгуулсан байна. Цагдаагийн газрын Гэмт хэргээс урьдчилан сэргийлэх ахлах мэргэжилтэн Г.Цолмон "Аймгийн гэмт хэргээс урьдчилан сэргийлэх ажлыг зохицуулах салбар зөвлөл, аймгийн Хууль эрх зүйн хэлтэстэй хамтран энэхүү ажлыг зохион байгууллаа. Уг сургалтаар Олон нийтийн цагдаа нар ямар үүрэг чиглэлийн ажил гүйцэтгэх ёстой юм, гэмт хэрэг зөрчлөөс урьдчилан сэргийлэх ажилд үүрэг оролцоо ямар байдаг талаарх чадавхжуулах сургалтыг явууллаа" гэлээ. 

Энэхүү уулзатыг анх удаагаа зохион байгуулж байгаа гэдгээрээ онцлог юм.