ОХУ цэргийн зардлаар тэргүүлэгч таван орны тоонд багтжээ

542

МОСКВА. /RIA Novosti/.
 ОХУ өнгөрсөн онд батлан хамгаалахын салбартаа 65.1 тэрбум ам.доллар зарцуулж, цэргийн зардлын хэмжээгээрээ дэлхийд дөрөвдүгээрт оржээ. Энэ тухай Стокгольмын Олон улсын энх тайвны судалгааны хүрээлэнгийн /SIPRI/ шинжээчдийн гаргасан тайлан мэдээнд дурдсан байна.

2019 онд дэлхийн улс орнуудын цэргийн нийт зардал 1.917 их наяд ам.долларт хүрч өссөн нь 2018 оныхоос 3.6 хувиар их үзүүлэлт юм.

Дэлхийн цэргийн зардал ийнхүү өссөн нь нэгдүгээрт бичигдсэн АНУ-ын зардал нэмэгдсэнтэй холбоотой гэж SIPRI-ийн шинжээчдийн тайланд дурджээ. Тус улсын цэргийн зардал  2019 онд 5.3 хувиар өсөж 732 тэрбум ам.долларт хүрсэн нь улс орнуудын батлан хамгаалахын салбартаа зарцуулсан нийт зардлын 38 хувийг эзэлж байна.

Батлан хамгаалахын салбартаа хамгийн их хөрөнгө зарцуулсан орнуудын эхний тавд БНХАУ, Энэтхэг болон Саудын Араб орсон байна. БНХАУ-ын цэргийн зардал өнгөрсөн онд 5.1 хувиар өсөж, 261 тэрбум ам.доллар болсон бол Энэтхэг цэргийн зардлаа 6.8 хувиар нэмэгдүүлж, 71.1 тэрбум ам.долларт хүргэжээ.
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Umnugovi.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
umnugovi.nutag.mn