Япон улс G7-ийн дээд хэмжээний уулзалтад Зеленскийг урина
Хирошимад болох G7-ийн дээд хэмжээний уулзалтад Украины Ерөнхийлөгч Зеленскийг Япон улс урихаар төлөвлөж байгаа гэнэ. Тэрбээр цахимаар энэ уулзалтад оролцож магадгүй гэж Nikkei сонин мэдээлжээ.
Эх сурвалжийн мээдэлснээр, G7-ийн дээд хэмжээний уулзалтын үеэр Орос, Украины сөргөлдөөнийг эрчимтэй хэлэлцэх нөхцөл бий болгохыг Японы эрх баригчид хүсэж байгаа гэнэ. Энэ дээд хэмжээний уулзалтад оролцсоноор Украины Ерөнхийлөгч улс орон дахь нөхцөл байдлаа барууны орнуудын тэргүүнүүдэд шууд хэлэх боломжтой гэж Японы Ерөнхий сайд Фумио Кишида үзэж байгаа аж.
Энд дуулгахад, 2023 онд G7-г Япон улс даргалах юм. G7-ийн дээд хэмжээний уулзалт гуравдугаар сарын 19-21-ний хооронд Хирошима хотод болохоор товлогджээ. Өнгөрсөн оны зун болсон G7-ийн дээд хэмжээний уулзалтад Зеленский Германы урилгаар цахимаар оролцож байв.
Г.Бямбасүрэн
http://www.shuud.mn/a/546104