Өнгөрсөн сарын 29-нд нээлтээ хийсэн “Зүүдний кафе” уран сайхны кино ёстой л чанартай уран бүтээл болсон хэмээн ам нээсэн хүн бүр магтана.

Хосуудын гал халуун хайр дурлал, чин сэтгэл, романтик харилцаа гээд сэтгэл доторх гүн гүнзгий нууцлаг мэдрэмжүүдийг нэгэн зэрэг төрүүлэм тунчиг чадварлаг уран бүтээл болсныг хүн бүрт дуулгамааар..

Тиймдээ ч одоог хэр нь кино театруудын тэнхимуудыг ганц ч хоосон суудалгүй дүүргэсээр байгаагаас харахад үнэхээр “сайн” уран бүтээл болсон гэж хэлэхээс аргагүй. Medq media agency болон The Master Films-ийн анхны хамтарсан тус уран бүтээлийг дурлалт хосууд болон найз нөхдөөрөө хамтдаа заавалчгүй үзэх ёстой кинонуудын нэг гэхэд хилсдэхгүй биз.

Гол дүрүүдэд та бидний хэдийнэ танил Medq Media-н богино хэмжээний контент уран бүтээлч “урт үст” Б.Сайханбилэг болон сахилгагүй найз охин ГАнар нар тоголсон. Харин бусад дүрүүдэд Жүжигчин Г.Ундармаа, Б.Баатархүү, Д.Билгүүнболд зэрэг уран бүтээлчид оролцон тогложээ.

90 минутын турш та биднийг гүнзгий бодолд автуулах “Зүүдний кафе” уран бүтээлийн тухайд Монголд анх удаа Arri Alexa 35 камераар хийгдсэн кино гэдгээрээ ихэд онцлогтой ба бүхий л насныханд зориулсан төдийгүй 8 настай хүүхдээс 80 настай хөгшдийг хүртэл байлдан дагуулсаар байна.