Москва хотын дарга Сергей Собянин мэдэгдэхдээ, аравдугаар сарын 26-наас 27-нд шилжих шөнө олон арван дрон Москваг онилсон гэжээ. Харин тус улсын Батлан хамгаалах яам нийтдээ 193 дроныг устгасан бөгөөд 40 нь Москва мужийн дээгүүр нисч байсан гэж мэдэгдсэн байна. Одоогийн байдлаар Москвагийн нисэх онгоцны буудлууд түр хугацаанд хаагдсан бөгөөд хотын хэд хэдэн дүүрэгт дэлбэрэлт болжээ. Гэхдээ хүний амь нас хохирсон эсвэл шархадсан талаар тодорхой мэдээлэл гараагүй байна. Одоогийн байдлаар Москва мужийн Серпухов хотод байрлах тосны агуулахад гал гарсан ч нутгийн удирдлага галыг дарсан гэж мэдэгджээ. Украины тал энэхүү дайралтын талаар ямар нэгэн мэдэгдэл хийгээгүй байна.

Киев урт зайн дронуудыг ашиглан Оросын цэргийн болон үйлдвэрийн байгууламжуудыг, ялангуяа нефть боловсруулах үйлдвэр, зэвсгийн үйлдвэрүүдийг онилдог. Энэ дайралтын өмнө Орос улс Украины хотууд руу пуужин, дроноор довтолсон байна. Сүүлийн хоёр шөнө Киев хот руу хийгдсэн дайралтад таван хүн амиа алдаж, олон хүн шархаджээ. Ерөнхийлөгч Володимир Зеленский хэлэхдээ, сүүлийн долоо хоногт Орос Украин руу 1200 орчим дрон, 50 баллистик пуужин харвасан гэжээ.