ДЭМБ: Есдүгээр сар гэхэд улс орон бүр хүн амынхаа 10 хувийг вакцинжуулах хэрэгтэй

260

ЖЕНЕВ. /NHK/. 
Дэлхийн эрүүл мэндийн байгууллагын /ДЭМБ/ тэргүүн Тедрос Аданом Гебрейесус коронавирусний вакциныг тэгш хуваарилах чиглэлд хамтран ажиллахыг улс орнуудад уриалжээ. ДЭМБ есдүгээр сар гэхэд улс орон бүр хүн амынхаа 10 хувийг вакцинжуулах хэрэгтэй гэж үзэж байна.
Т.Гебрейесус даваа гаргаас цахимаар эхэлсэн ДЭМБ-ын жил тутмын ассамблейн үеэр үг хэлэх үеэрээ ийнхүү мэдэгджээ. Энэхүү чуулганд тус байгууллагын 194 гишүүн бүгд оролцож байгаа юм.
 
ДЭМБ-ын тэргүүн одоогийн байдлаар тариад буй бүх вакцины 75 гаруй хувь нь ердөө 10-хан оронд ногдож байгаа нь маш тэгш бус байгааг дурдаад, ийм байдал нь цар тахлыг ужигруулж байна гэж хэлжээ.
Ийнхүү тэрбээр коронавирусний вакциныг тэгш хуваарилах зорилгоор санаачилсан “COVAX” хөтөлбөрт тусламж үзүүлэхийг улс орнуудад уриалсан байна.
Ирэх долоо хоногийн мягмар гараг хүртэл үргэлжлэх чуулганы үеэр оролцогч талууд халдварын эсрэг авч хэрэгжүүлэх арга хэмжээ тэргүүтэй сэдвийн талаар хэлэлцэнэ. 
Мөн шинэ халдварт өвчнүүдийн эсрэг олон улсын бэлэн байдлыг бэхжүүлэх төлөвлөгөөг батлах төлөвтэй байна. 
 
 
Э.ХуланЭх сурвалж: Монцамэ агентлаг
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Umnugovi.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
umnugovi.nutag.mn