Эмнэлгийн тусламж үзүүлэх нэг цэгийн үйлчилгээ ажиллаж байна

252


Өмнөговь аймгийн төв Даланзадгадад эмнэлгийн тусламж үзүүлэх нэг цэгийн үйлчилгээг нээлээ. Коронавирусний халдварын дэгдэлт их байгаатай холбогдуулан иргэдэд чирэгдэлгүй тусламж үйлчилгээ үзүүлэх, эрүүл мэндийн байгууллагын эмч ажилчдын ачааллыг хөнгөвчлөх зорилгоор уг үйлчилгээг Даланзадгад сумын 5-р багийн төв/ хуучин/ дээр нээн ажиллуулж байна. Нэг цэгт ирснээр шинжилгээгээ өгч, эерэг гарсан тохиолдолд өрхийн эмчид үзүүлэн эмийн багцаа авах, шаардлагатай тохиолдолд эмнэлэгт хэвтэх эсэхийг эмч үзлэг хийж шийдвэрлэх юм. Уг нэг цэгийн үйлчилгээ 09.00-18.00 хүртэл ажиллана.
Өмнөговь аймгийн ЭМГ-ын тархвар судлаач Б.Амгалан "Эрүүл мэндийн нэг цэгийн үйлчилгээг энэ долоо хоногийн даваа гаргаас ажиллуулж байна. Эхний хоёр өдөр ачаалал ихтэй байсан. Тиймээс шинжилгээ авах цэгийг нэмсэн. Гэрээр эмчлүүлж байгаа иргэдэд эм өгөхөөс гадна өрхийн эмч нар тухай бүрт хяналт хийж байна" гэлээ.
скачать dle 12.0
Санал болгох
Сэтгэгдэл
АНХААРУУЛГА: Уншигчдын бичсэн сэтгэгдэлд Umnugovi.nutag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9318-5050 утсаар хүлээн авна.
umnugovi.nutag.mn